काठमाण्डौं
यस साता वाणिज्य बैंकहरुको निक्षेप संकलन पुन घटेको छ । बैंकहरूको कर्जा लगानी भने बढ्दै गएको छ । नेपाल बैंकर्स एसोसिएसनले सार्वजनिक गरेको तथ्यांक अनुसार बैंकहरूको निक्षेप संकलन घट्दा कर्जा लगानी बढेको हो ।
माघ ७ गतेसम्म वाणिज्य बैंकहरुले ४३ खर्ब ११ अर्ब रुपैयाँ निक्षेप संकलन गरेका छन् । यो अघिल्लो साताको तुलनामा १३ अर्बले घटेको हो । पौष ३० गतेसम्म वाणिज्य बैंकहरूले ४३ खर्ब २४ अर्ब रुपैयाँ निक्षेप संकलन गरेका थिए । 

पछिल्लो साता वाणिज्य बैंकहरुको कर्जा लगानी भने बढेको छ ।  बैंकहरुको कर्जा लगानी १अर्ब रुपैयाँले बढेर ४१ खर्ब ४४ अर्ब रुपैयाँ पुगेको छ । पौष ३० गतेसम्म वाणिज्य बैंकहरूले ४१ खर्ब ४३ अर्ब रुपैयाँ कर्जा प्रवाह गरेका थिए ।