काठमाण्डौ । 
लगानीकर्तालाई बैंकहरुले दिने प्रतिफल अर्थात प्रतिसेयर आम्दानीमा भने मिश्रित देखिएको छ । अधिकांश वाणिज्य बैंकको प्रतिसेयर आम्दानी ईपीएस घटेका कारण सर्वसाधारणले पाउने प्रतिफलमा समेत कमी आउने देखिएको छ । प्रतिसेयर आम्दानीमा भने एनआइसी एसिया बैंकक अगाडि रहेको छ । 
एनआइसी एसिया बैंकको प्रतिसेयर आम्दानी अहिले ४१ रुपैयाँ ४३ पैसा रहेको छ । यो बैंकको सेयरमा लगानी हुनेहरुको सेयर आम्दानी ५ रुपैयाँ ७० पैसााले बढेको छ । सिद्धार्थ बैंकको प्रतिसेयर आम्दानी पनि गत वर्षको यहि अवधिको तुलनामा १० रुपैयाँ ४१ पैसाले बढेको छ । चालु आर्थिक वर्षको ६ महिनासम्ममा यसको प्रतिसेयर आम्दानी २५ रुपैयाँ १२ पैसा रहेको छ । सिभिल बैंक, एनसीसी बैंक, सेञ्चुरी, एस बिआइको पनि प्रतिसेयर आम्दानी बढेको छ । 
राष्ट्रिय बाणिज्य बैंक, नबिल बैंक, प्रभु बैंक, कृषि विकास बैंक, कुमारी बैंक, लक्ष्मी बैंक, नेपाल  बंगलादेश बैंक, सिटिजन्स बैंक लगायतको प्रतिसेयर आम्दानी भने घटेको छ । अहिले एक दर्जन बढी बैंकको प्रतिसेयर आम्दानी घटेको छ ।