काठमाडौं । समृद्धि फाइनान्सले आफ्नो सातौँ शाखाका रुपमा बनेपा शाखा कार्यालयको उद्घाटन सोमबार एक औपचारिक कार्यक्रम गरी गरेको छ।

प्रमुख अतिथि बनेपा नगरपालिकाकी मेयर शान्तिरत्न शाक्यबाट बनेपा शाखाका औपचारिक उद्घाटन गरिएको हो। कार्यक्रममा बनेपा उद्योग वाणिज्य संघका उपाध्यक्ष कैलाश पलान्चोके, बनेपा–८ की वडाध्यक्ष शुभलक्ष्मी मानन्धरलगायतका व्यक्तित्वको उपस्थिति थियो।

कार्यक्रमको अध्यक्षता फाइनान्सका अध्यक्ष ठाकुरप्रसाद भट्टराईले गर्नुभएको थियो। कम्पनीका प्रमुख कार्यकारी अधिकृत टीकानिधि लोहनीले स्वागत मन्तव्य राख्दै फाइनान्सको वित्तीय कारोबारसम्बन्धी जानकारी गराउनुभएको थियो।

चाँडै आठौँ शाखाका रुपमा जनकपुर शाखाको पनि उद्घाटन गरिने जानकारी फाइनान्सका प्रमुख व्यवसाय प्रवर्द्धन अधिकृत सुरजकुमार सर्राफले बताउनुभयो ।