काठमाडौं । कुमारी बैंकले ‘एक्सिलेन्स इन ई–कमर्स बिजनेस–२०२२’ अवार्ड पाएको छ । यहि मिति २०७९ भदौ १५ मा भिसा अन्तर्राष्ट्रिय द्वारा “डिजिटल नेपालको लागि नेताहरूको सम्मेलन भुक्तानी नवीनता“ सम्मेलनको आयोजना भएको थियो । सो आयोजित नेतृत्व सम्मेलनमा भिसा अन्तर्राष्ट्रिय द्वारा कुमारी बैंक लिमिटेड लाई “इ–कमर्स व्यवसाय २०२२ मा उत्कृष्टता“ अवार्डले सम्मानित गरेको हो । यो अवार्ड कुमारी बैंकलाई अभिनव उत्पादन र कार्ड भुक्तानी उद्योगमा उच्चतम ईकमर्स व्यवसायको मात्रा हासिल गरेकोमा प्रदान गरिएको हो ।

आफ्नो स्थापनाकालदेखि नै बैंकिङ सेवासुविधामा आधुनिक डिजिटल प्रणालीलाई आत्मसाथ गर्दै अघि बढेको र आगामी दिनहरुमा पनि आफ्ना सेवाहरुको प्रभावकारिता तथा पहुँच वृद्धिका लागि आफ्नो डिजिटल सामथ्र्य सुदृढीकरणमा दत्तचित्त भएर अघि बढ्ने प्रतिबद्धता कुमारी बैंकले जनाएको छ।