काठमाडौं । सिस्टम अपग्रेटका लागि ग्लोबल आईएमई बैंकको सिस्टम ६ घण्टा अवरुद्ध रहने भएको छ । बैंकले आज (बिहीबार) एक सूचना जारी गर्दै सिस्टम अवरुद्ध हुने बारे ग्राहकलाई जानकारी गराएको हो ।

बैंकले सिस्टम अपग्रेड सम्बन्धी कार्य गर्न लागेकाले आज भदौ २ गते बिहिबार राती १२ बजेदेखि भोली भदौ ३ गते शुक्रबार बिहान ६ बजेसम्मका लागि बैंकको सम्पूर्ण विद्युतीय कारोबार तथा यसका माध्यमहरू अबरुद्ध रहने हुँदा सम्पूर्ण ग्राहकहरुको जानकारीका लागि सूचना प्रकाशित गरिएको भन्दै यसबाट ग्राहकमा पर्न जाने असुविधा प्रति बैंक क्षमाप्रार्थी  रहेको जनाएको छ ।