काठमाडौं ।  सानिमा बैंकले आफूलगायत सम्पूर्ण परिवार सदस्यहरुका लागि लक्षित गरी सानिमा फेमिली सुपर सेभिङ खाता संचालनमा ल्याएको छ।

नेपालमा पहिलोपटक ग्राहकले आफूलगायत तीन वा सोभन्दा बढी (सम्पूर्ण) परिवारका सदस्यहरुका लागि अस्पताल खर्च भुक्तानी नै गर्न नपर्ने गरी रु १ लाखसम्मको औषधिउपचार बीमासहितको सानिमा फेमिली सुपर सेभिङ खाता ल्याएको हो।

वार्षिक ८.०३ प्रतिशत ब्याजदर, मासिक ब्याज भुक्तानी, प्रत्येक परिवारका सदस्यलाई रु १० लाखको दुर्घटना बीमा, रु ३ लाखको ६ घातक रोगहरुको बीमा, रु २५ हजारको अवधिक जीवन बीमा र रु ५ हजारको वार्षिक स्वास्थ्य परीक्षण प्याकेजजस्ता थप सुविधाको व्यवस्था गरेको छ।

यसबाट ग्राहकलाई औषधोपचार खर्च गरी बीमाबापत सोधभर्ना लिनु पर्ने झन्झटबाट छुट्कारा मिल्ने भएको छ। सानिमाका ग्राहकले आफ्नो बीमा पोलिसी नं उपलब्ध गराएर औषधोपचार गराउन सक्दछन्। यो सुविधा अस्पताल भर्ना हुँदा उपलब्ध हुनेछ।

यसका साथै भिसा नेटवर्कका एटीएमबाट नेपालमा निःशुल्क रकम झिक्न सकिने, लकर शुल्कमा ७५ प्रतिशत छुट, लगानी व्यवस्थापन सेवामा सेवामा ५० प्रतिशत छुट, निःशुल्क डेबिट तथा क्रेडिट कार्ड जारी, निःशुल्क अमेरिकी डलर कार्ड (फर्स्ट टपअप), निःशुल्क मोबाइल तथा इन्टरनेट बैंकिङ सेवा आदिमा विशेष छुट प्रदान गरेको छ।