१९ माघ, २०८१ शनिबार
10:53:49 AM
४ साउन, २०७९
काठमाण्डौं । हुण्डी कारोबारको आरोपमा एक जनालाई प्रहरीले पक्राउ गरेको छ । बुधबार जिल्ला प्रहरी कार्यालय पर्साले हुण्डी कारोबारको आरोपमा एक जनालाई पक्राउ गरेको हो ।
विरगञ्ज महानगरपालिका वडा नंम्बर १६ रजत जयन्ती चोकबाट २५ वर्षिय भारतीय नागरिक राकेश कुमारलाई पक्राउ गरिएको हो ।
प्रहरीका अनुसार राकेशको साथबाट स्रोत नखुलेको ४१ लाख ५५ हजार नेपाली रुपैयाँ बरामद भएको छ । उनले बिआर ०५ एन ०२३८ नम्बरको मोटरसाइकलको सिटमुनी र ट्यांकीमा उक्त रकम लुकाएर राखेका थिए ।
तालुक प्रहरी प्रदेश कार्यालय जनकपुर तथा जिल्ला प्रहरी कार्यालय पर्साबाट खटिएको टोलीले राकेशलाई पक्राउ गरेको हो । उनी विरुद्ध बैंक तथा वित्तीय संस्था सम्बन्धि ऐन, २०७३ कसुरमा अनुसन्धान अगाडी बढाइएको प्रहरीले जनाएको छ ।
