काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्ड र पूर्वप्रधानमन्त्री डा. बाबुराम भट्टराईबीच भेटवार्ता भएको छ । मंगलबार संहदरबारस्थित माओवादी केन्द्रको संसदीय दलको कार्यलयमा प्रचण्ड र बाबुरामबीच भेटवार्ता भएको हो ।

जसपाका केन्द्रीय अध्यक्ष उपेन्द्र यादवसँग विवाद बढ्दै गएपछि पछिल्लो समय भट्टराई प्रचण्डसँग संवादमा जुटेका हुन् । दुई नेताबीच भएको भेटवार्तामा समाजवादी केन्द्र गठन, प्रचण्डको भारत भ्रमण, आगामी निर्वाचनमा सत्तारुढ गठनबन्धन र समसामयिक विषयमा छलफल भएको जनाइएको छ ।