काठमाडौं । नेपाली काँग्रेसकी नेतृ पुष्पा भुसालले उपसभामुख पदमा उम्मेदवार दर्ता गराउनुभएको छ। बिहीबार सत्ता गठबन्धनको तर्फबाट भुसालले प्रतिनिधिसभा अन्तर्गत उपसभामुख पदमा मनोनयन दर्ता गराउनुभएको हो ।

सत्तारुढ पाँच दलीय गठबन्धनको तर्फबाट भुसालले उम्मेदवारी दर्ता गराउनुभएको हो । उहाँको प्रस्तावकमा नेकपा माओवादी (केन्द्र) का प्रमुख सचेतक देव गुरुङ रहनुभएको छ भने समर्थक नेकपा (एकीकृत समाजवादी) की लक्ष्मीकुमारी चौधरी रहनुभएको छ । उम्मेदवारी दर्तापछि बोल्दै भुसालले संसदलाई स्वतन्त्र र थप प्रभावकारी बनाउन आफूले उम्मेदवारी दिएको बताउनुभयो ।