काठमाण्डौं । करिव तीन महिनामा विपदका कारण १०७ जनाको मृत्यु भएको छ । राष्ट्रिय विपद जोखिम न्यूनीकरण तथा व्यवस्थापन प्राधिकरणको तथ्यांक अनुसार वैशाख १ गतेदेखि असार २० गतेसम्म विपदका कारण १०७ जनाको मृत्यु भएको हो । 

यस अवधिमा १ जना वेपत्ता, २ सय २२ जना घाईते र १ हजार २ सय ५३ परिवार प्रभावित भएका छन ।

यस्तै करिब तीन महिनाको अवधिमा विपतका कारण ६५ करोड ५७ लाख १४ हजार  ५६० रुपैयाँको (अनुमानित) क्षति भएको प्राधिकरणले जानकारी दिएको छ । 

यसैगरी प्राधिकरणका अनुसार करिब तीन महिनामा विपतका ९७२ घटना भएका छन् । पहिलोका ६९, बाढी १६, भारी बर्षा ४७, चट्याङ् १०७, अगलागी ५२९, जङ्गल आगलागी ५३, हावाहुरी ९२, जनावर आतंक ४८, भूकम्प १ र डुङ्गा पल्टेर १ घटना भएका छन् ।