काठमाडौं । नेकपा (एकीकृत समाजवादी) का तर्फबाट सरकारमा सहभागि नवनियुक्त मन्त्रीहरूले पद तथा गोपनीयताको शपथ लिनुभएको छ । सोमबार राष्ट्रपति विद्यादेवी भण्डारीले शीतल निवासमा आयोजित समारोहमा ४ मन्त्री र एक राज्यमन्त्रीलाई शपथ खुवाउनुभएको हो । नवनियुक्त ४ मन्त्री र एक राज्यमन्त्रीले आजै कार्यभार सम्हाल्नुहुने छ ।

शीतल निवासमा आयोजित समारोहमा जीवनराम श्रेष्ठले संस्कृति पर्यटन तथा नागरिक उड्डयनमन्त्री, मेटमणि चौधरीले सहरी विकास मन्त्री, शेरबहादुर कुँवरले श्रम, रोजगार तथा सामाजिक सुरक्षामन्त्री , भवानी खापुङले स्वास्थ्य तथा जनसंख्या मन्त्री तथा हिरा केसीले स्वास्थ्य राज्यमन्त्रीको सपथ लिनुभएको हो ।