काठमाण्डौं । नेकपा एकीकृत समाजवादीका अध्यक्ष माधवकुमार नेपालले अमेरिकी स्टेट पार्टनरसिप प्रोग्राम (एसपीपी)का बारेमा गहिरो गरी बुझेर आवश्यक निष्कर्षमा पुग्नुपर्ने बताउनुभयो ।

आइतबार काठमाडौंमा विभिन्न सञ्चारमाध्यमका सम्पादकहरुसँगको छलफलका क्रममा अध्यक्ष नेपालले देशभक्तिमा आँच पुग्ने, राष्ट्रिय हितमा कुठाराघात पुग्ने कुनै पनि काम नहुने बताउनुभएको हो । 

यस्तै उहाँले प्रधानमन्त्री र माओवादी केन्द्रका कारण मन्त्री फेरबदलमा ढिलाई भएको बताउनुभएको छ । उहाँले प्रधानमन्त्री र माओवादी केन्द्रका नेताहरुले आफ्नो पार्टीभित्र पनि मन्त्री फेरबदलको माग आइरहेकाले केहिदिन पर्खन भनेको र यसका कारण ढिलाई भएको बताउनुभयो । 

उहाँले ६ महिनाका लागि मात्र भनेर अहिलेका मन्त्री पठाएको र अब अन्यलाई मन्त्रीपरिषद्मा पढाइने धारणा राख्नुभयो ।

यसैगरी नेपालले स्थानीय तहको निर्वाचनमा गठबन्धनबीच प्रभावकारी रुपमा तालमेल हुन नसकेको धारणा राख्नुभयो । गठबन्धन गर्न स्थानीय तहमा बढी पेचिलो भएको भन्दै उहाँले प्रतिनिधिसभा र प्रदेशसभा निर्वाचनमा सहज हुने जिकिर गर्नुभयो । 

अध्यक्ष नेपालले पर्यटन मन्त्री प्रेम आलेको अडियो विवादमा बिषयमा बोल्दाखेरी विचार पु¥याएर मात्र बोल्नुपर्ने तर्क गर्नुभयो ।