बुटवल । प्रधानमन्त्री शेरबहादुर देउवालाई लिएर काठमाडौंबाट धनगढीका लागि उडेको हेलिकोप्टरमा इन्धन सकिएपछि भैरहवामा आकस्मिक अवतरण भएको छ ।

शुक्रबार प्रधानमन्त्री देउवा नेपाली सेनाको हेलिकोप्टरमा काठमाडौंबाट सुदूरपश्चिम विश्वविद्यालयको दीक्षान्त समारोहमा सहभागी हुन धनगढी जानुभएको थियो ।

तर उहाँ चढेको हेलिकप्टर उड्दा उड्दै आकाशमा इन्धन सकिन लागेपछि भैरहवामा आकस्मिक अवतरण गरिएको हो । करिब २० मिनेट भैरहवा बसाईपछि प्रधानमन्त्री देउवा धनगढी प्रस्थान गर्नुभएको छ ।