२० माघ, २०८१ आइतबार
07:42:51 AM
१८ जेठ, २०७९
व्यवसायिक अदुवा खेतीको लागि तालिम, गोष्ठी र अभिमुखीकरण जस्ता कार्यक्रम गरेको भनी नक्कली बिल भरपाई बनाई १३ लाख ३७ हजार २० रुपैयाँ रकमको भ्रष्टार गरेको
काठमाण्डौं । अख्तियार दुरउपयोग अनुसन्धान आयोगले दुई जना विरुद्ध सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप–पत्र दायर गरेको छ ।
आयोगले बुधबार विशेष अदालत काठमाण्डौंमा नेपाल नागरिक समाज (सिस नेपाल) सुर्खेतका तत्कालीन अध्यक्ष ओम प्रकाश लामिछाने र सामाजिक परिचालक यामलाल घिमिरे विरुद्ध मुद्दा दायर गरेको हो ।
उनीहरुले जिल्ला सुर्खेत, गढी, लेखगाउँ, कुनाथरीमा सिस नेपाल संस्थाले दिगो आय आर्जन व्यवसायिक अदुवा खेतीको लागि तालिम, गोष्ठी र अभिमुखीकरण जस्ता कार्यक्रम गरेको भनी नक्कली बिल भरपाई बनाई १३ लाख ३७ हजार २० रुपैयाँ रकमको भ्रष्टार गरेको आयोगले जनाएको छ ।
आयोगमा नक्कली बिल भरपाई बनाई रकम भुक्तानी लिई भ्रष्टाचार गरेको भन्ने उजुरी निवेदन परेको थियो । सोही उजुरीका आधारमा अनुसन्धान गर्दा उनीहरुलाई आयोगले नियन्त्राणमा लिएको हो ।
