काठमाण्डौं । सर्वोच्च अदालतले बाराको निजगढमा बनाउने भनेको अन्तर्राष्ट्रिय विमानस्थल निर्माण बदर गरिदिएको छ ।

ठूलो बनक्षेध फँडानी गरेर निर्माण गर्ने भनिएको उक्त विमानस्थल निर्माणका लागि सरकारले अहिलेसम्मका गरेका सबै काम कारबाही तथा निर्णयहरु सर्वोच्चले बदर गरिदिएको हो ।

चारकोसे झाँडी मासेर विमानस्थल बनाउँदा पर्यावरणमा क्षति पुग्ने भएकाले त्यसलाई रोक्न माग गर्दै वरिष्ठ अधिवक्ता प्रकाशमणि शर्मा र रन्जुहजुर पाँडे क्षेत्रीले सर्वोच्चमा रिट दायर गर्नुभएको थियो । 

उहाँहरुको रिट निवेदनमाथि निर्णय सुनाउँदै बिहीबार बृहत पूर्ण इजलासले विमानस्थल बनाउन सरकारले अहिलेसम्म गरेका निर्णय बदर गर्दै अर्को स्थान खोज्न आदेश दिएको छ ।