काठमाण्डौं । नेपालले चालु आर्थिक वर्षको १० महिनामा २२ करोड रुपैयाँ भन्दा बढीको  ग्रीन टी निर्यात गरेको छ ।

भन्सार विभागको तथ्यांक अनुसार साउनदेखि बैशाख मसान्तसम्म नेपालले विभिन्न देशहरुमा २२ करोड ३४ लाख ५४ हजार रुपैयाँ बराबरको १ लाख २३ हजार ६७२ केजी ग्रीन टी निर्यात गरेको हो । 

कुन देशमा कति ? 

नेपालले यस १० महिनामा १० करोड ३९ लाख ६९ हजार रुपैयाँ बराबरको ४७ हजार २९८ केजी ग्रीन टी जर्मनीमा निर्यात गरेको छ । अमेरिकामा २ करोड ९१ लाख २७ हजार रुपैयाँ बराबरको १० हजार ८९८ केजी ग्रीन टी निर्यात गरेको छ ।

विभागका अनुसार यस अवधिमा जापानमा २ करोड ७९ लाख ६९ हजार रुपैयाँ बराबरको १२ हजार ७६९ केजी, फ्रान्समा १ करोड ३५ लाख ४५ हजार रुपैयाँ बराबरको ४ हजार ४२ केजी र भारतमा १ करोड २६ लाख २२ हजार रुपैयाँ बराबरको २३ हजार ६९९ केजी ग्रीन टी निर्यात भएको छ ।

यस्तै चीनमा ४४ लाख ७८ हजार रुपैयाँ बराबरको ५ हजार ९८३ केजी, क्यानडामा २१ लाख १७ हजार रुपैयाँको ९५१ केजी, नेदरल्याण्डमा ७१ लाख ४९ हजार रुपैयाँ बराबरको ५ हजार ९७७ केजी,  कतारमा ४ लाख १० हजार रुपैयाँको २४८ केजी, ताइवानमा २१ लाख ८४ हजार रुपैयाँ बराबरको १ हजार ३६२ केजी, न्युजिल्याण्डमा १ लाख १४ हजार रुपैयाँ बराबरको १० केजी, नर्वेमा २ लाख ५० हजार रुपैयाँ बराबरको २० केजी, पोल्याण्डमा ३ लाख २८ हजार रुपैयाँ बराबरको ७६ केजी, रसियामा २ लाख रुपैयाँको ३३४ केजी, सिंगापुरमा २ लाख २१ हजार रुपैयाँ बराबरको १० केजी, स्लोभाकियामा ९ लाख ९८ हजार रुपैयाँ बराबरको १५५ केजी, स्वीडेनमा १४१ केजी, स्वीजरल्याण्डमा ६ लाख ९ हजार रुपैयाँको १५५ केजी र युक्रेनमा १ सय केजी ग्रीन टी निर्यात भएको विभागको तथ्यांकमा उल्लेख छ । 

यसैगरी युनाइटेड अरबमा १४ लाख ३४ हजार रुपैयाँ बराबरको ५१२ केजी, बेलायतमा १५ लाख १९ हजार रुपैयाँ बराबरको ९४४ केजी, अष्ट्रियामा ८ लाख ७१ हजार रुपैयाँ बराबरको १७० केजी, बेल्जियममा १ हजार रुपैयाँको १ केजी, केच रिपब्लिकमा २७ लाख २६ हजार रुपैयाँ बराबरको १ हजार १६३ केजी, डेनमार्कमा ६ लाख ६३ हजार रुपैयाँ बराबरको ११४ केजी, र फिनल्याण्डमा २ लाख २६ हजार रुपैयाँ बराबरको ६१ हजार केजी ग्रीन टी निर्यात गरिएको छ । 

विभागका अनुसार ल्याटभियनमा २२ हजार रुपैयाँ बराबरको १० केजी, लिथौनियामा ७ लाख ४५ हजार रुपैयाँ बराबरको २५० केजी र मलेसियामा १९ लाख १२ हजार रुपैयाँ बराबरको २ हजार २४८ केजी र अष्ट्रेलियामा ५ करोड ६८ हजार रुपैयाँ बराबरको ३३६ केजी ग्रीन टी निर्यात गरिएको छ । 

इस्टोनियामा १७ हजार रुपैयाँ बराबरको ६६ केजी, हङकङमा ३२ लाख ९१ हजार रुपैयाँ बराबरको ३ हजार ३९६ केजी, हंगेरीमा १२ करोड ८३ लाख रुपैयाँको २१७ केजी र रिपब्लिक अफ कोरियामा ४ लाख ३९ हजार रुपैयाँ बराबरको ५८ केजी र ग्रीन टी निर्यात भएको छ।