८ मंसिर, २०८१ शनिबार
06:48:47 AM
९ जेठ, २०७९
अहिले १३, १४, १५, १६, १९, २०, २१, र २२ को मतगणना जारी रहेको र अब केहीबेरमा १८ नम्बर वडाको पनि गणना गर्न लागिएको छ ।
काठमाडौँ,
स्थानीय तह सदस्य निर्वाचन २०७९ अन्तरगत काठमाडौँ महानगरपालिकामा जारी मतगणनाको साँझ ६ः१५ बजेसम्मको अपडेट अनुसार स्वतन्त्र उम्मेदवार बालेन्द्र शाह (बालेन) ले ४६ हजार ४३४ मत प्राप्त गर्नुभएको छ ।
उहाँ चुनाव चिह्न लौरो लिएर मैदानमा उत्रनुभएको थियो ।
प्राप्त विवरण अनुसार वडा नं १ देखि १२ सम्म तथा २३, २४, २५,२६, २७, २८, २९, ३०, ३१ र ३२ वडाको पनि गणना सकिएको छ ।
उहाँलाई फराकिलो मतान्तरले पछ्याउँदै सत्ता गठबन्धनका उम्मेदवार काँग्रेसकी सिर्जना सिंहले २७ हजार ७५८ मत प्राप्त गर्नुभएको छ ।
नेकपा एमालेका उम्मेदवार केशव स्थापितले २६ हजार ७७३ मत प्राप्त गर्नु भएको छ । यस्तै राप्रपाका मदनदास श्रेष्ठले ४ हजार १५० मत ल्याउनुभएको छ ।
मुख्य निर्वाचन अधिकृतको कार्यालयका शाखा अधिकृत प्रेमकुमार श्रेष्ठका अनुसार अहिलेसम्म कुल १ लाख ३४ हजार ३५६ मत गणना भइसकेको छ ।
काठमाडौँमा एक लाख ९० हजार मत खसेको छ । बदरमत झण्डै ५ हजार पुगेको छ ।
प्राप्त विवरण अनुसार वडा नं १ देखि १२ सम्म तथा २३, २४, २५,२६, २७, २८, २९, ३०, ३१ र ३२ वडाको पनि गणना सकिएको छ ।
अहिले १३, १४, १५, १६, १९, २०, २१, र २२ को मतगणना जारी रहेको र अब केहीबेरमा १८ नम्बर वडाको पनि गणना गर्न लागिएको छ ।
उपप्रमुखमा सुनिता डंगोलले फराकिलो मतान्तर बनाउँदै ४८ हजार ५१७ मत ल्याउनुभएको छ ।
