८ मंसिर, २०८१ शनिबार
10:13:26 AM
४ जेठ, २०७९
नरसिंह व्यञ्जनकारको प्रतिनिधिका रूपमा मतगणनामा सहभागी हुन बालेन ललितपुर जानु भएको हो ।
ललितपुर । काठमाडौं महानगरपालिकाको मेयरमा निरन्तर अग्रता बनाइरहेका स्वतन्त्र उम्मेदवार बालेन साह ललितपुरको मतगणनास्थलमा पुग्नु भएको छ ।
आफूले राजनीतिक गुरु मान्ने नरसिंह व्यञ्जनकारको प्रतिनिधिका रूपमा मतगणनामा सहभागी हुन बालेन ललितपुर जानु भएको हो । नरसिंह व्यञ्जनकार ललितपुरको वडा नम्बर १० बाट वडाअध्यक्षमा स्वतन्त्र उम्मेदवार बन्नु भएको छ।
ललितपुर महानगरको मतगणना जावलाखेलस्थित स्थानीय विकास प्रशिक्षण प्रतिष्ठानमा भइरहेको छ।
काठमाडौं महानगरपालिकाको मेयरमा बालेनले पछिल्लो परिणामअनुसार १६ हजार ५ सय ३७ मतसहित अग्रता लिइरहनु भएको छ। उहाँलाई पछ्याइरहेका केशव स्थापितले ८ हजार ५ सय ४८ मत ल्याउनु भएको छ ।
