काठमाण्डौ । आज जेष्ठ ३ गते जननेता मदन भण्डारी र जीवराज आश्रितको २९ औैं स्मृति दिवस विभिन्न कार्यक्रम गरी मनाइदै छ ।

तत्कालीन नेकपा एमालेका महासचिव मदन भण्डारी र संगठन विभाग प्रमुख जीवराज आश्रितको २०५० साल जेठ ३ गते आजकै दिन चितवनको दासढुंगामा भएको जिप दुर्घटनामा निधन भएको थियो ।

दिवसका अवसरमा तत्कालीन एमालेको पुरानो पार्टी मुख्यालय मदननगर बल्खुमा माल्यार्पण सहित विशेष कार्यक्रमको आयोजना गरिएको छ ।

कार्यक्रममा पार्टी अध्यक्ष केपी शर्मा ओली लगाएतका नेताहरु सहभागि हुने जनाईएको छ । रहस्यमय जिप दुर्घटनामा मदन–आश्रितको निधन भएपनि घटनाको छानबिन नभएको भन्दै पटक पटक आलोचना हुँदै आएको छ ।

जिप त्रिशूली नदीमा खसेर दुर्घटना हुँदा भण्डारी र आश्रितको मृत्यु भएको थियो भने चालक अमर लामा भने बाँच्न सफल भएका थिए । लामाको २०६० सालमा हत्या भएपछि यो घटना रहस्यकै गर्भमा रहेको छ ।