१७ कार्तिक, २०८१ शनिबार
01:23:47 AM
२२ बैशाख, २०७९
५ बर्षमा एमालेले महानगरमा कुनै काम गर्न नसकेको
काठमाण्डौं । नेपाली कांग्रेसका महामन्त्री गगन थापाले काठमाण्डौं महानगरमा एमालेले ५ वर्ष नेतृत्वको उपयोग गर्न नसकेको बताउनुभएको छ ।
बिहीबार काठमाण्डौंमा कांग्रेस क्रियाशील सदस्यहरूको भेलालाई सम्बोधन गर्दै थापाले ५ बर्षमा एमालेले महानगरमा कुनै काम गर्न नसकेको आरोप लगाउनुभएको हो ।
एमालेले ५ बर्षमा गरेको कामका बारेमा जनतालाई जवाफ दिनुपर्ने उहाँको भनाई छ ।
यस्तै उहाँले एमालेले हिन्दुदेखि क्रिश्चियन धर्म वकालत गर्ने दलसम्मका दलहरुसँग गठबन्धनमा उत्रिएको तर्क गर्नुभयो । उहाँले मुलुकको परिवर्तनलाई जोगाउनकै लागि कांग्रेसले घोषितरुपमै गठबन्धन गरेको दावी गर्नुभयो ।
थापाले स्थानीय तहको निर्वाचनमा उम्मेदवार चयनमा केही गुनासो भएपनि अहिले सबै बिर्सेर गठबन्धनलाई विजयी गराउनुपर्ने जिकिर गर्नुभयो ।
महामन्त्री थापाले एमालेका महानगर उम्मेदवार केशव स्थापीतले सार्वजनिक रुपमा नै महिलाहरुको अपमान गर्ने गरेकाले मतदानबाटै जवाफ दिन आग्रह गर्नुभयो ।
