६ मंसिर, २०८१ बिहिबार
09:10:56 PM
१३ बैशाख, २०७९
आईकाओले अप्रिल १३ देखि २५ सम्म १० सदस्यीय टिम नेपाल पठाएको थियो । यो टिमले नेपालको हवाई सुरक्षाको सम्परीक्षण गरेको थियो ।
काठमाण्डौं । अन्तर्राष्ट्रिय नागरिक उड्डयन संगठन (आईकाओ)को सुरक्षा अडिटमा नेपाल उत्तीर्ण भएको छ । नेपाल नागरिक उड्डयन प्राधिकरणका अनुसार सन् २०२२ को अडिटको प्रारम्भिक रिर्पोटअनुसार नेपालले कुल परिपालना दरको ७०.१ प्रतिशत नम्बर पाएको छ ।
यो सन् २०१७ मा पाएको ६६.७६ प्रतिशत भन्दा बढी हो । यसका आधारमा नेपालमा हवाई सुरक्षाको अवस्थामा सुधार भएको देखिएको छ ।
सन् २०१३ मा भने नेपालको हवाई सुरक्षाको स्तर औसतभन्दा कममा परेपछि सुरक्षा चासोको सूचिमा परेको थियो । सोही आधारमा नेपाल यूरोपेली यूनियनको समेत कालोसूचीमा परेको हो ।
आईकाओले अप्रिल १३ देखि २५ सम्म १० सदस्यीय टिम नेपाल पठाएको थियो । यो टिमले नेपालको हवाई सुरक्षाको सम्परीक्षण गरेको थियो । यसमा नेपालले उडान सुरक्षाको नियामक निकायको हैसियतमा पालना गरे गराएका काम र त्यसको विस्तृतमा जाँच गरिएको थियो ।
संयुक्त राष्ट्रसंघ मातहतका आईकोओमा १९३ वटा मुलुक आवद्ध छन् । ती राष्ट्रको उडान सुरक्षाको स्तर मापन गरि निरन्तर सुधारमा टेवा दिने उद्देश्यले अडिट गर्दै आएको छ ।
नेपालको सन् २००९ बाट सम्परीक्षण भएको हो । त्यसपछि सन् २०१३, २०१६ र २०१७ मा अडिट गरिएको थियो । सन् २०१३ मा भने नेपालको हवाई सुरक्षाको स्तर औसतभन्दा कममा परेपछि सुरक्षा चासोको सूचिमा परेको थियो । सोही आधारमा नेपाल यूरोपेली यूनियनको समेत कालोसूचीमा परेको हो ।
तर, सन् २०१७ मा नेपाल यसबाट उम्कन सकेपनि यूनियनको कालोसूची भने कायम छ । प्राधिकरणका अनुसार एसिया प्रशान्त क्षेत्रको औसत परिपालना दर ६१.४ प्रतिशत रहेको छ । विश्वको औसतः परिपालना दर ६७.२ प्रतिशत रहेको छ ।
