काठमाण्डौं । विभिन्न जिल्लामा विपतिका कारण वैशाख १ गतेदेखि १२ गतेसम्म २३ करोड २४ लाख ८१ हजार एक सय रुपैयाँको क्षती भएको छ ।

राष्ट्रिय विपद जोखिम न्यूनीकरण तथा व्यवस्थापन प्राधिकरणको तथ्यांक अनुसार यस अवधिमा पहिरो, आगलागी, बाढी, भारी वर्षा, चट्यांङ, सर्पदंश, जंगली आगलागी, हावाहुरी, जनावर आतंक, महामारी, हिउँ हुरी, हिउ पहिरो, लेक लाग्नु र डुङगा पल्टेर १२ जनाको मृत्यु र ३९ जना घाइते भएका हुन् ।
वैशाखको १२ दिनमा २ सय घटना हुँदा २ सय ५० परिवार प्रभावित भएका छन् । 

प्राधिकरणका अनुसार चट्याङबाट २ लाख ८० हजार रुपैयाँ, आगलागीबाट २२ करोड ३१ लाख ५४ हजार चार सय रुपैयाँ, जंगली आगलागीबाट ८६ लाख ९० हजार रुपैयाँ, हावाहुरीबाट ३ लाख १५ हजार रुपैयाँ र जनावर आतंकबाट ४९ हजार ५ सय रुपैयाँका अनुमानित क्षती भएको छ ।