२ बैशाख, २०८१ आइतबार

04:54:31 PM


https://nepalbusiness.com/
https://nepalbusiness.com/
×

चैत्र मसान्तसम्म करिब २ खर्बको इन्धन आयात, डिजेलको अंश ठूलो

Nepal Business

९ बैशाख, २०७९

नौ महिनामा नेपालले ३८ अर्ब १ करोड ३२ लाख ३३ हजार रुपैयाँ बढीको इन्धन आयात गरिसकेको छ ।

चैत्र मसान्तसम्म करिब २ खर्बको इन्धन आयात,  डिजेलको अंश ठूलो

काठमाण्डौं । चालु आर्थिक वर्ष २०७८/७९ को नौ महिनामा भारतबाट नेपालले करिव दुई खर्बको डिजेल, पेट्रोल र एलपीजी ग्यास आयात गरेको छ ।

२०७८ साउनदेखि चैत मसान्तसम्मको अवधिमा सो इन्धन नेपालले आयात गरेको भन्सार विभागले जनाएको छ ।

यस अवधिमा भारतबाट कूल १ खर्ब ९८ अर्ब ५५ करोड ७६ लाख ९३ हजार रुपैयाँको डिजेल, पेट्रोल र एलपीजी ग्यास नेपाल भित्रिएको विभागले जनाएको छ । 

भारतबाट कूल १ खर्ब ९८ अर्ब ५५ करोड ७६ लाख ९३ हजार रुपैयाँको डिजेल, पेट्रोल र एलपीजी ग्यास नेपाल भित्रिएको विभागले जनाएको छ । 

भन्सार विभागले शुक्रबार जारी गरेको तथ्याङ्क अनुसार चालु आर्थिक वर्षको पहिलो नौ महिनामा १ खर्ब ५ अर्ब ९७ करोड ५३ लाख ९५ हजार रुपैयाँको डिजेल, ४७ अर्ब २३ करोड ९७ लाख ८० हजार रुपैयाँको पेट्रोल र ४५ अर्ब ३४ करोड २५ लाख १८ हजार रुपैयाँको एलपीजी ग्यास नेपाल भित्रिएको छ । 

अघिल्लो आर्थिक वर्ष २०७७/७८ को मूल्यको इन्धनभन्दा बढी चालु आर्थिक वर्षको पहिलो नौ महिनामा भित्रिसकेको विभागको तथ्याङ्कले देखाउँछ । 

विभागका अनुसार गत आर्थिक वर्ष भारतबाट नेपालले कूल १ खर्ब ६० अर्ब ५४ करोड ४४ लाख ६० हजार रुपैयाँको इन्धन आयात गरेको थियो । 

अघिल्लो एक वर्षमाभन्दा यसवर्षको पहिलो नौ महिनामा नेपालले ३८ अर्ब १ करोड ३२ लाख ३३ हजार रुपैयाँ बढीको इन्धन आयात गरिसकेको छ ।