प्रदर्शनीमा व्यवसायीहरुले व्यापार विस्तारका साथै नयाँ नयाँ प्रविधिको प्रदर्शनी गर्ने थलोका रूपमा उपयोग गर्न सक्नेछन् भने अवलोकनकर्ताले एकै थलोमा सूचना तथा सञ्चार प्रविधिका नौला र भविष्यका निम्ति प्रविधि र उपकरणको अवलोकन तथा खरिद गर्न पाउनेछन् । 

महासङ्घका महासचिव नारायण थापाले सूचना प्रविधिसम्बन्धी अध्ययन तथा कार्य गरिरहेका विद्यार्थीको क्षमताको विकास गर्नुका साथै उनीहरुको आइडियालाई प्लेटफर्म प्रदान गर्न र इनोभेटिभ आइडियालाई व्यवसायमा बदल्न मद्दत गर्नु र व्यवहार उपयोगी शिक्षामा उपयोग गर्नु मुख्य उद्देश्य रहेको जानकारी दिनुभयो ।