काठमाण्डौं, पुस ५
 तिलागुफा नगरपालिका–३ फोइमहादेव गाउँमा  निःशुल्क योग तथा आयुर्वेद स्वास्थ्य शिविर सम्पन्न भएको छ । आयुर्वेद स्वास्थ्य केन्द्र कालीकोटको आयोजनामा आइतबार फोइमहादेव गाउँमा शिविर सञ्चालन गरिएको हो ।

दम, खोकी, ज्वरो, पिसाबसम्बन्धी समस्या, स्त्री रोग,  पायल्स, नाक, कान, घाँटी, बाथ तथा बालरोगलगायत विभिन्न समस्याको उपचारका लागि शिविर सञ्चालन गरिएको जिल्ला आयुर्वेद स्वास्थ्य केन्द्र कालीकोटका वरिष्ठ वैद्य लक्ष्मीप्रसाद पाण्डेले बताउनुभयो । 

यहाँबाट अहिलेसम्म ३२६ जनाले सेवा लिनुभएको छ । २९ वर्षदेखि ६० वर्ष उमेर समूहका बिरामीले सेवाको साथै परामर्श सेवा प्रदान गरेको कार्यालय प्रमुख वीरेन्द्रकुमार केसीले जानकारी दिनुभयो ।