२१ माघ, २०८१ सोमबार
11:50:11 AM
२० चैत, २०७८
विभागले आगामी वैशाख १७ गते शनिबार दिउँसो २ बजेका लागि परीक्षा तय गरेको छ ।
काठमाण्डौं । भन्सार विभागले भन्सार एजेन्टको परीक्षा मिति सार्वजनिक गरेको छ । विभागले आगामी वैशाख १७ गते शनिबार दिउँसो २ बजेका लागि परीक्षा तय गरेको छ ।
उच्च अदालत पाटनले फागुन २६ गतेको अन्तरिम आदेशलाई निरन्तरता नदिएपछि परीक्षा सञ्चालन गर्ने मिति तोक्दै विभागले सुचना जारी गरेको छ ।
गत फागुन २६ गते उच्च अदालत पाटनले तत्काल परीक्षा सञ्चालन नगर्न अन्तरिम आदेश दिएपछि फागुन २८ गतेका लागि तय भएको परीक्षा स्थगित भएको थियो ।
चैत १३ गते उच्च अदालत पाटनले उक्त अल्पकालिन अन्तरिम आदेशलाई निरन्तरता नदिएपछि परीक्षा सञ्चालन गर्ने बाटो खुलेको थियो ।
यो सँगै पटक पटक गरी विभागले ४ पटकसम्म परीक्षा मिति सार्वजनिक गरिसकेको छ ।
