नेपाल विजनेश समाचारदाता,
काठमाडौँ, 
रिपोटर्स क्लबले आज विहिबार आफ्नो २४औं बार्षिकोत्सवका अबसरमा डिस होमका प्रबन्ध सञ्चालक सुदीप आचार्यलाई  सम्मान गरेको छ ।

नेपालको पे टीभी उद्योगमा पुर्याएको योगदानको मुल्यांकन गर्दै सम्मान गरिएको क्लबले जनाएको छ ।

आचार्यलाई  प्रधानमन्त्री शेरबहादुर देउवाले कदरपत्रसहित सम्मान प्रदान गर्नुभएको हो । नेपालको पे टीभी उद्योगमा पुर्याएको योगदानको मुल्यांकन गर्दै सम्मान गरिएको क्लबले जनाएको छ ।

‘विश्व बजारमा प्रचलित लोकप्रिय टेलिभिजन प्रविधि ‘डाइरेक्ट टु होम’ मार्फत नेपाली जनताको मन जित्दै नेपालको पे टीभी उद्योगमा क्रियाशील सबैभन्दा सफल र ठूलो कम्पनी डिसहोम मिडिया नेटवर्कको कुशल नेतृत्व गरेबापत तपाईंलाई रिपोर्टर्स क्लब नेपालको २४ औं वार्षिकोत्सवका अवसरमा विशेष सम्मान गरिएको छ, सम्मानपत्रमा उल्लेख छ । 

बैंकिङ क्षेत्र, हाइड्रो, सूचना प्रविधिलगायत क्षेत्रमा आचार्यको विशेष योगदान रहेको छ ।  

उक्त बार्षिकोत्सवका अबसरमा पत्रकारलगायत अन्य विभिन्न व्यक्तिलाई समेत सम्मान गरिएको थियो ।