नेपाल विजनेश मसाचारदाता,

काठमाडौँ, 
काठमाडौँमा आज विहिबारदेखि विश्वभरका कथाहरुको उत्सव अर्थात नेपाल अन्तर्राष्ट्रिय चलचित्र महोत्सव (निफ) शुरु भएको छ । 

पाँच दिनसम्म चल्ने महोत्सवमा ३८ मुलुकका ८९ चलचित्र प्रदर्शन हुने जनाइएको छ । 

महोत्सवको नारा ‘विश्वभरका कथाहरुको उत्सव, नेपाल अन्तर्राष्ट्रिय चलचित्र महोत्सव’ राखिएको छ । पाँच दिनसम्म चल्ने महोत्सवमा ३८ मुलुकका ८९ चलचित्र प्रदर्शन हुने जनाइएको छ । 

महोत्सवको उद्घाटनका दिन आज विहिबार नुवाकोटको तारुकामा परम्परागत रुपमा मनाइने गोरु जुधाई पर्वको विषयमा पुरु लम्सालले निर्देशन गर्नुभएको वृत्तचित्र ‘गोरु पर्व’ प्रदर्शन गरिएको थियो । 

पाँच दिनसम्म चल्ने महोत्सव यसपाली पाँचौँ संस्करण हो । छनोट भएका चलचित्र राष्ट्रिय सभागृह र पर्यटन बोर्डमा प्रदर्शन गरिनेछ । 

महोत्वसमा चौथो संस्करण कोरोनाका कारण भर्चुअल रुपमा गरिएकोमा यसपाली भने भौतिक उपस्थिति मै गर्न पाइएको भन्दै महोत्सव संयोजक यादव भट्टराईले खुसी व्यक्त गर्नुभयो ।

उहाँले यस कार्यक्रमले नेपाली चलचित्रलाई अन्तराष्ट्रिय क्षेत्रमा पुर्याउने र विदेशी चलचित्रबाट नेपाली कलाकारले त्रान हासिल गर्ने बताउनुभयो । 

महोत्सवमा राष्ट्रिय तथा अन्तराष्ट्रिय लामा, छोटा चलचित्र, डकुमेन्ट्री तथा एनिमेटेड चलचित्रबीच ७ विधामा प्रतिष्पर्धा समेत हुने जनाइएको छ ।  

नेपाल चलचित्र तथा सांस्कृतिक प्रतिष्ठानको आयोजनामा भएको कार्यक्रमको सहआयोजकका रुपमा चलचित्र विकास बोर्ड, पर्यटन बोर्ड र काठमाडौँ महानगरपाकिला रहेको छ। 

म्होत्सव उद्घाटन समारोहमा बोल्दै महानगरपालिकाका प्रमुख विद्यासुन्दर शाक्यले कार्यक्रमले चलचित्र क्षेत्रलाई थप चलायमान बनाउन सहयोग पुग्ने बताउनुभयो । 

च्लचित्र विकास बोर्डका अध्यक्ष दयाराम दाहालले स्टेजमा जति नै बोले पनि नेपाली चलचित्र कमजोर रहेको स्वीकार गर्दै नीतिगत रुपमा केही समस्या रहेको औँल्याउनुभयो ।

उहाँले चलचित्रको विकायमा बोर्ड सक्रिय भएर लागेको र हातेमालो गर्न कलाकार, निर्माता तथा निर्देशकसँग आग्रह गर्नुभयो ।