१ मंसिर, २०८१ शनिबार
09:32:10 AM
१६ चैत, २०७८
काठमाण्डौं–विनासकारी भूकम्पबाट क्षतिग्रस्त भएको काभ्रेको नमोबुद्ध–५, कानपुरस्थित ऐतिहासिक प्राचिन कालीका मन्दिरको पुननिर्माण सम्पन्न भएको छ ।
बुधबार राष्ट्रपति विद्यादेवी भण्डारीले राष्ट्रिय पुनर्निर्माण प्राधिकरण, पूरातत्व विभाग र नगरपालिकाको ७५ लाखको लगानीमा पुनर्निर्माण गरिएको मन्दिरको उद्घाटन गर्नुभएको हो ।
वि.सं १८३८ सालमा स्थापना भएको मन्दिर स्थानीय मैनालीको कुल देवताको मन्दिर हो । मन्दिर उद्घाटन गर्दै राष्ट्रपति भण्डारीले सम्पदाहरु अझ बलियो र स्थायी रुपमा पुनर्निर्माण हुँदा ऐतिहासिक धरोहरहरुको संरक्षणले राष्ट्रिय आत्मविश्वास बलियो हुने धारणा राख्नुभयो ।
वि.स २०७२ सालमा आएको विनाशकारी भूकम्पबाट क्षतिग्रस्त कालीदेवि मन्दिरको पुनर्निर्माणको लागि नगरपालिकाले देखाएको अग्रसरता प्रशंसनीय रहेको राष्ट्रपतिले बताउनुभयो ।
