८ मंसिर, २०८१ शनिबार
03:28:58 PM
१५ चैत, २०७८
हाल निवेदन माग बमोजिम विपक्षीहरूको नाममा अन्तरिम आदेश जारी गरिरहनु नपर्ने फैसला गर्नुभएको हो ।
काठमाण्डौ । रोकिएको भन्सार एजेन्ट परीक्षा सञ्चालन हुने भएको छ । परीक्षा रोक्न माग गर्दै परेको रिट निवेदनमाथि सुनुवाई गर्दै उच्च अदालत पाटनले यसअघिको अन्तरिम आदेशलाई निरन्तरता दिन नपर्ने फैसला सुनाएको छ ।
आरक्षण व्यवस्था नगरिएको भन्दै क्रिष्टिना थैवले भन्सार विभागविरुद्ध उच्च अदालत पाटनमा रिट दायर गर्नुभएको थियो । थैवले भन्सार एजेन्ट सम्बन्धी उक्त विज्ञापनमा आरक्षण कोटा राख्नुपर्ने भन्दै मागदाबी गर्नुभएको थियो ।
विभागले भन्सार एजेन्टको लिखित परीक्षा जेठ २२ गते र माघ २९ तोकेपछि दुवै पटक स्थगित भइसकेको छ ।
न्यायधिसद्वय श्रीमणकुमार गौतम र महेन्द्रनाथ उपाध्यायले भन्सार ऐन २०६४ र नियमावलीमा आरक्षण सम्बन्धी कुनै व्यवस्था नभएको एवं निवेदकले उक्त सूचनाअनुरूप आवेदन दिएको भनि निवेदनमा नै उल्लेख गरेको जनाउँदै नीतिगत प्रश्नमा निवेदनको अन्तिम टुंगो लाग्दा एकैचोटी सम्बोधन हुने हुँदा हाल निवेदन माग बमोजिम विपक्षीहरूको नाममा अन्तरिम आदेश जारी गरिरहनु नपर्ने फैसला गर्नुभएको हो ।
गत वर्ष २०७७ चैत १६ गते विभागले भन्सार एजेन्ट इजाजत पत्रका लागि दरखास्त आह्वान गरेको थियो । विभागले भन्सार एजेन्टको लिखित परीक्षा जेठ २२ गते र माघ २९ तोकेपछि दुवै पटक स्थगित भइसकेको छ ।
कोरोना महामारीका कारणले दई पटकसम्म रोकिएको परीक्षा रोक्न भन्दै थैव उच्च अदालत पाटन पुग्नुभएको थियो । तर अब यो फैसलासंगै रोकिएको परिक्षा सञ्चालन गर्न बाटो खुलेको छ ।
यस विषयमा छिट्टै बैठक बसेर परिक्षा तालिका सार्वजनि गर्ने स्रोतले बताएको छ ।
