काठमाण्डौं

नेशनल हाइड्रोपावर कम्पनी लिमिटेडको साधारणसभा सोमबार स्थगित भएको छ । स्रोतका अनुसार साधारणसभाका लागि आवश्यक गणपुरक संख्या नपुगेपछि सोमबारका लागि तय गरिएको साधारण सभा स्थगित भएको हो । 

अब आजै सञ्चालक समिती बैठक बस्ने तयारी भइरहेको छ, सोमबार बस्ने सञ्चालक समितीको बैठकले केहि दिन भित्रमै गर्ने गरी अर्को साधारणसभाको मिति तोक्ने छ । 

कम्पनीले गत आर्थिक वर्ष २०७७/७८ को मुनाफाबाट कम्पनीका शेयरधनीहरूलाई १८.५२५ प्रतिशत बोनस सेयर र ०.९७५ प्रतिशत नगद गरी कूल १९.५ प्रतिशत लाभांश वितरण गर्ने र बोनस सेयर वितरण पश्चात् कायम हुने चुक्ता पूँजीको ५० प्रतिशत हकप्रद सेयर निष्कासन गर्ने प्रस्ताव गरेको थियो ।