काठमाडौं
नेपाल आयल निगमको कार्यकारी निर्देशकमा उमेश थानी नियुक्त हुनुभएको छ । फागुन २६ गते बिहीबार बसेको मन्त्रिपरिषदको बैठकले थानीलाई कार्यकारी निर्देशकमा नियुक्त गरेको हो । कार्यकारी निर्देशक नियुक्त गर्न गठित सिफारिस समितिले थानीसहित ३ जनाको नाम सिफारिस गरेको थियो ।

समितिले उमेश थानी, डा चण्डिकाप्रसाद भट्ट र जीवनप्रकाश सिटौलाको नाम सरकार समक्ष पेस गरेको थियो । थानी ४ वर्षको लागि निगमको कार्यकारी निर्देशकमा नियुक्त हुनुभएको हो ।