काठमाण्डौं, मंसिर २८
भौतिक पूर्वाधार तथा यातायात मन्त्रालयले सडकका विभिन्न योजना आयोजना र डिजाइनहरुमा न्यूनतम मापदण्डसमेत पालना नगरीएको जनाएको छ ।  इन्जिनियरहरुको मनलाग्दी सरुवा गर्दा काममा शिथिलता आएको र मापदण्डमा पनि ख्याल गरिएको पाइदैन । तर कर्मचारीहरु भने सडकमा सरुवा भएर जान प्रतिस्पर्धा गरिरहेका छन् । 
सडकको गुनासो बढिरहेको अवस्थामा प्रशासन र लेखाका कर्मचारीहरु सडकमा  सरुवा भएर जान प्रतिस्पर्धा गरी शतिmकेन्द्रमा धाउन थालेका छन । 
सामान्य प्रशासन मन्त्रालयको गलत निणर्यको कारण मदन भण्डारी राजमार्गको योजना कार्यालय सुर्खेतको कार्यालय स्थापना नहुँदा विवाद सुरु भएको छ । मन्त्रालयहरुबीचको अपसी तालमेल मिल्न नसक्दा कर्मचारीहरु एक मन्त्रालयबाट अर्कोमा जाने तर अर्को मन्त्रालयले हाजिर नगराउने जस्ता समस्या देखापरेका छन् ।  
सुर्खेत मदन भण्डारी सडक योजना कार्यालय स्थापना गर्ने निणर्य भए पनि सो कार्यालयका लागि बजेटको एलएमबी आईएस इन्ट्री भइसकेको छैन । कार्यालयले कति कति खर्च गर्ने भन्ने निधो नभए पनि सो क्षेत्रमा पुल सडकको ठेक्काको काम सुरु भइसकेको छ । तर कर्मचारीको विषयमा कुनै स्पष्ट निणर्य नभएकोले हाजिर गराउन नसकिने सडक कार्यलयले बताइरहेको छ ।