६ जेठ, २०८१ आइतबार
11:51:48 AM
१८ फागुन, २०७८
एमालेले आफुले निलम्बित गरेका १४ जना सांसदको कार्वाही प्रक्रिया अगाडि नबढाएसम्म संसद सञ्चालन गर्न नदिने अडान राख्दै विरोध गर्दै आएको छ ।
काठमाडौ । प्रतिनिधिसभाको बैठक बुधबार बस्दै छ । दशौं अधिवेशनको ९ औं बैठक दिउँसो १ बजे बस्ने संसद सचिवालयले जनाएको छ ।
बैठकमा प्रधानमन्त्री शेरबहादुर देउवाले ‘राष्ट्रिय सूचना आयोगको वार्षिक प्रतिवेदन, २०७७र७८’ पेश गर्ने सम्भावित कार्यसूची रहेको छ ।
यस्तै संस्कृति, पर्यटन तथा नागरिक उड्डयन मन्त्री प्रेमबहादुर आलेले ‘नेपाल नागरिक उड्डयन प्राधिकरण विधेयक, २०७६ माथि विचार गरियोस्’ भनी प्रस्ताव प्रस्तुत् गर्ने र ‘नेपाल हवाई सेवा प्राधिकरण विधेयक, २०७६ माथि विचार गरियोस् भनी प्रस्ताव प्रस्तुत् गर्ने कार्यसूची रहेको छ ।
यसैबीच नेकपा एमालेले भने आफ्ना पूर्ववत मागहरु सम्बोधन नभएका कारण बुधबारको प्रतिनिधि सभा बैठकमा विरोध जारी राख्ने छ । एमालेले आफुले निलम्बित गरेका १४ जना सांसदको कार्वाही प्रक्रिया अगाडि नबढाएसम्म संसद सञ्चालन गर्न नदिने अडान राख्दै विरोध गर्दै आएको छ ।
एमालेको विरोधकाबीच यस अघिको बैठकमा एमसीसी पेश भएर पास समेत भईसकेको छ ।
