नेपालका निजी उद्योगले प्रति युनिट ११ रुपैयाँसम्म तिर्छन

काठमाण्डौं, मंसिर २६

आजभोली नेपाल सरकारले बिजुली उत्पादन अधिक भएकोले भारतलाई ३९ मेगावाट बिजुली बिक्री गर्दै आएको छ । गत कार्तिक १६ गतेदेखि भारतलाई बिजुली बेच्दै आएको हो ।

सरकारले अन्तर्राष्ट्रिय बजारमा बिजुलीको पहुँच बनाइरहँदा देशभित्र सञ्चालित उद्योगी-व्यवसायीहरुले बिजुली अभावमा पूणर् क्षमतामा उद्योग सञ्चालन गर्न सकिरहेका छैनन् । उनीहरुले विद्युत् अभाव कम गर्न आफ्नै पावर प्लान्ट समेत राखेका छन् । डिजेलबाट चलाइने प्लान्टमा लागत प्रति युनिट २७ रुपैयाँ पर्छ । प्राधिकरणको बिजुलीलाई भने प्रति युनिट १० रुपैयाँ तिर्दा पुग्छ ।

सरकारले गत वर्ष नै सिमेन्ट र कृषिजन्य उद्योगलाई प्राथमिकता राखेर बिजुली, खानेपानी र पहुँचमार्ग निर्माणको नीतिगत निणर्य गरे पनि बिजुलीको पहुँच बढाउने पूर्वाधार निर्माणमा प्राधिकरणको ध्यान नपुगेको उनीहरूको गुनासो छ ।

सरकारले निजीसँग ४.८० रुपैयाँमा बिजुली किनेर भारतलाई ४.३३ मा बेचिरहेको छ । यसरी घाटामा बिजुली बेच्नु भन्दा देशमै बिजुली खपत बढाएर अन्य इन्धनको प्रयोग कम गराई आम्दानी सृजना गर्नु पर्नेमा उनीहरुले जोड दिइरहेका छन् ।

नेपालको बजारमाग हाल १५सय मेगावाटको हाराहारीमा छ । उत्पादन १७ सय मेगावाटको हाराहारीमा भएकोले २ सय मेगावाट खेर गइरहेको बुझिन्छ । तर उद्योगहरुमा अभाव देखिनुले सरकारी तथ्यांकको विश्वसनीयतामा शंका उब्जिएको देखिन्छ ।