काठमाण्डौ

जिल्ला प्रहरी कार्यालय रौतहटबाट खटिएको प्रहरी टोलीले १५ लाख २५ हजार मूल्य बराबरको भन्सार छलीको चामलसहित एउटा गाडी नियन्त्रणमा लिएको छ । 

प्रहरीले बोलेरो पिकअपमा रहेको प्रतिबोरा २० किलो तौल भएको हाप स्टिम कतरनी चामल १५० बोरा, १ वटा बलोरो पिकअपसमेत गरी जम्मा अनुमानित १५ लाख २५ हजार रुपैयाँ बराबरको चामल बरामद गरी आवश्यक कारवाहीको लागि गौर भन्सार कार्यालयमा बुझाइएको जानकारी दिएको हो । 

प्रहरीका अनुसार भारतबाट भन्सार छलि चोरी पैठारी गरि प्रदेश २–०३–००१ च–२१३८ नम्बरको पिकअपमा लोड गरी नेपालतर्फ भित्र्याइ ल्याउँदै गरेको अवस्थामा प्रहरीले पक्राउ गरेको हो । 

प्रहरीले जिल्ला रौतहट गौरका ३९ को चन्दन पाण्डेलाई पनि नियन्त्रणमा लिइएको जानकारी दिएको छ । फागुन ९ गते साढे ४ बजे जिल्ला प्रहरी कार्यालय रौतहटबाट खटिएको प्रहरी टोलीले पक्राउ गरेको थियो ।