२ मंसिर, २०८१ आइतबार
04:33:54 PM
१० फागुन, २०७८
ऋणिलाई कल सेन्टरमार्फत सम्पर्कमा ल्याउने, ऋण नतिरे थर्काउने, गाली गर्ने, धम्काउने जस्ता धन्दा उनीहरुको थियो
नेपाल विजनेश समाचारदाता,
काठमाडौँ, १० फागुन : प्रहरीले भक्तपुरको सानोठिमीस्थित घर भाडामा लिएर अवैध कल सेन्टर सञ्चालन गर्ने चिनियासहित ८० जनालाई मंगलबार पक्राउ गरेको छ ।
चिनिया नागरिक नागरिक वाङ जिनावले नेपाली प्रयोग गरेर कल सेन्टर सञ्चालन गरेको पाइएको छ ।
उनीहरुले भारतीय मुलका युवा युवतीलाई छोटो समयको लागि कुनै प्रणालीमार्फत ५ देखि १० हजारसम्म ऋण लगानी गरी उक्त कलसेन्टरबाट थर्काउने गरेको पाइएको छ ।
ऋण लगानी गरी निश्चित ब्याजसहित तोकिएको समयभित्र उठाउनका लागि ऋणिलाई कल सेन्टरमार्फत सम्पर्कमा ल्याउने, ऋण नतिरे थर्काउने, गाली गर्ने, धम्काउने जस्ता धन्दा उनीहरुको थियो ।
कल सेन्टर सञ्चालक वाङ जिनावले नेपाली युवा युवतीको प्रयोग गरी कल सेन्टर सञ्चालन गरिरहेको भन्ने गोप्य सूचनाको आधारमा खटिएको प्रहरीले उक्त घरबाट ४७ महिला र ३३ पुरुष पक्राउ गरेको हो ।
कल सेन्टर सञ्चालक वाङ जिनावले नेपाली युवा युवतीको प्रयोग गरी कल सेन्टर सञ्चालन गरिरहेको भन्ने गोप्य सूचनाको आधारमा खटिएको प्रहरीले उक्त घरबाट ४७ महिला र ३३ पुरुष पक्राउ गरेको हो ।
उक्त कार्य संचालन गर्न प्रयोग भएका १४ थान डेस्कटप कम्प्युटर, ४८ थान ल्याप्टप र २ थान आइप्याड प्रहरीले बरामद गरेको छ । प्रहरीले घटनाको विषयमा थप अनुसन्धान जारी राखेको छ ।
