काठमाडौं
नेकपा एमालेका अध्यक्ष केपी शर्मा ओलीले पछिल्लो समय सर्वाधिक चर्चाको विषय बनेको एमसिसि रोक्छु भन्ने सभामुखको व्यक्तिगत कुण्ठा भएको बताउनुभयो । सभामुख सार्वजनिक पद रहेको स्मरण गराउँदै उहाँले नीति, विधि र कानुन सम्मत ढंगबाट चल्न सभामुखलाई अनुरोध गर्नुभयो ।

 शुक्रबार नेकपा एमाले स्थानीय तह निर्वाचन तयारी केन्द्रीय प्रशिक्षण तथा अभिमुखीकरण कार्यक्रमको भर्चुअल विधिबाट उद्घाटन गर्दै ओलीले यस्तो कुरा बताउनुभएको हो । अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) संसदमा पेश गर्न अनुरोध समेत गर्नुभयो ।

उँहाले सरकारले एमसिसिबारे स्पष्ट धाराणा बनाउन नसकेको प्रति टिप्पणी गर्दै सरकारले आफैले गर्नुपर्नुे काम कसैले गर्दियोस भन्ने धारणा राख्नु निकम्बापन भएको बताउनुभयो । सरकारको नेतृत्व गर्ने तर काम नगर्ने परिपाटीबाट ग्रसित बर्तमान सरकारले आफ्ना नियमित काम समेत गर्न नसकेको टिप्पणी गर्नुभयो ।

यसैबीच एमालेले २०७९ वैशाख ३० गते हुने स्थानीय निर्वाचनलाई स्वतन्त्र, निश्पक्ष, धाँधलीरहित र शान्तिपूर्ण वातावरणमा गराउन विशेष ध्यान दिने ओलीले बताउनुभयो । साथै, एमाले जनतलाई भ्रममा पार्ने, अन्योलमा पार्ने परमादेशवादीका प्रयास असफल पार्नेतर्फ जाने उहाँले बताउनुभयो ।

देशभक्ति, लोकतन्त्र र संविधानको वास्तविक कार्यन्वयनको पक्षमा पार्न एमालेले विशेष ध्यान दिने उहाँले बताउनुभयो । यी कुरालाई ध्यान दिँदै एमाले स्थानीय तहको निर्वाचको तयारीमा लाग्ने उहाँले बताउनुयो । ओलीले एमाले गठबन्धन तोडेर होइन, लडेरै बहुमत ल्याउने तयारीमा लागेको पनि बताउनुभयो ।