सर्लाही
 जिल्लाको उत्तर।पश्चिम भेगमा व्यवसायिक आलु खेती गदै आएका किसान समयमै रासायनिक मल नपाउँदा आलु उत्पादनमा दोब्बर कमी आएको छ । गत वर्षका तुलनामा जिल्लामा आलु उत्पादनमा कमी आएको छ ।

बरहथवा नगरपालिका(१ हजरियाका किसान रामकुमार नेपालले भनुभयो,“विगतका वर्ष पनि आलु उत्पादन कमै भएको थियो । समयमा मल नपाउँदा यसवर्ष पनि झन् कमी आयो । उत्पादित आलुले बजार समेत पाएको छैन । ” प्रतिकिलो २५ देखि ३० रुपैयाँमा बीउ किनेर रोपेको आलु अहिले १५ रुपैयाँमा बिक्री गर्नुपरेको उहाँले गुनासो गर्नुभएको छ ।

भारतबाट सस्तो मूल्यका आलु नेपाली बजारमा भित्रिएकाले स्वदेशी उत्पादनले भाउ नपाएको यहाँका किसानको गुनासो छ । किसानले आलु व्यापारीलाई प्रतिकिलो १६ रुपैयाँमा खेतबाटै बिक्री गरिरहेका छन् । बागमती नगरपालिका( ६ राजघाटका किसान पनिलाल रामले भनुभयो ,’“आलु लगाउने समयमा युरिया मलको अभाव भयो । ”

जिल्लाको बरशथवाको हजरिया, राजघाट, बरहथवा, मानपुर, शङ्करपुरलगायत क्षेत्रमा व्यावसायिक आलुखेती हुने गरेको छ । यस क्षेत्रमा लालगुलाब, कुप्री सिन्दुरे, विविरे केतु र कोमल जातको आलु खेती गरिन्छ ।

जिल्लाभर एक हजार ४ सय हेक्टर क्षेत्रफलमा आलुखेती हुने जिल्ला कृषि ज्ञान केन्द्रका प्रमुख कमलदेवप्रसाद कुशवाहले जानकारी दिनुभयो  । जिल्लामा उत्पादन भएको आलु मलङ्गवा, चपुर, वीरगन्ज र कलैयामा रहेको शीत भण्डारमा भण्डारनका लागि लैजानुपर्ने बाध्यता रहेको जिल्लाका किसानको गुनासो छ । कृषि सामग्री कम्पनी लिमिटेड शाखा कार्यालयका प्रमुख दीपक थापा मगरलले जिल्लामा मल अभाव नरहेको बताउनुभयो । रासस