काठमाण्डौं
चालु आर्थिक वर्षको दोस्रो त्रैमासिमा रिडी हाइड्रोपावर डेभलपमेन्ट कम्पनीले वित्तीय विवरण सार्वजनिक गरेको छ । वित्तीय विवरण अनुसार कम्पनीले चालू आर्थिक वर्षको दोस्रो त्रैमाससम्ममा  ४६ करोड ९८ लाख नाफा कमाएको छ । यो नाफा गत आर्थिक वर्षको दोस्रो त्रैमासको तुलनामा २४ गुणाले बढी  हो ।

कम्पनीले गत आर्थिक वर्षको दोस्रो त्रैमाससम्ममा  १ करोड ९३ लाख नाफा कमाएको थियो । चालू आवको दोस्रो त्रैमासमा कम्पनीको आम्दानीमा वृद्धि भएकाले नाफा बढ्न टेवा पुगेको हो कुल आम्दानी गत आवको दोस्रो त्रैमासमा ४ करोड ६६ लाख रहेको उक्त कम्पनीको कुल आम्दानी चालू आर्थिक वषको सोही अवधिमा बढेर ६७ करोड ४४ लाख पुगेको हो ।

कुल आम्दानीमध्ये चालू आवको दोस्रो त्रैमासमा विद्युत् विक्री गरेर  ३ करोड ८ लाख आम्दानी  भएको छ भने बुटवल सोलारबाट ४ करोड २७ लाख आम्दानी भएको छ । त्यसैगरी अन्य आम्दानी  ६० करोड ८ लाख रहेको छ ।
चुक्तापूँजी  ५८ करोड ५५ लाख रहेको उक्त कम्पनीले बचतमा ७ करोड १ लाख सञ्चित गरेको छ ।  कम्पनीको प्रतिशेयर आम्दानी वार्षिक १६०.४८, मूल्य आम्दानी अनुपात ५.२२ प्रतिशत र प्रतिशेयर नेटवर्थ १८०.२९ रहेको छ ।