नेपाल विजनेश समाचारदाता,
१६ माघ ।  जाडो समयमा घर तथा शरीर तताउन हिटर, कोइलालगायतका विभिन्न प्रक्रिया अपनाउनु हुन्छ होला, तर थोरै सावधानी अपनाइएन भने तपाइको ज्यानै जान पनि सक्छ । त्यसैले विशेष ख्याल गर्नु जरुरी छ । 

महानगरीय प्रहरी परिसरले हालैका दिनहरुमा चिसो बढिरहेको हुँदा चिसोबाट जोगिन अपनाइने गरेको ‘हिटर, कोइलाबाली कोठा तातो बनाउने’ लगायतका कार्यबाट कोठाको सम्पूर्ण अक्जिसन नष्ट हुनको साथै कार्बन मोनोअक्साइड समेत बनि मानिसको ज्जयन जान सक्ने भएकलो विशेष ध्यान दिन अनुरोध गरेको छ । 

आइतबार सूचना जारी गरी प्रहरीले भनेको छ, यस्ता गतिविधिले कोठाभित्रको मानिसको सुरुमा टाउको दुख्ने, वाकवाकी लाग्ने, रिंगटा लाग्ने,निस्सासिएर बेहोस हुने र पछि थाहै नपाई दुःखद निधन हुने गरेको  छ ।

सोही सन्दर्भमा प्रहरी परिसर  देहायका बुँदा पालना गर्न अनुरोध गरेको छ

•  आफूबाहिर निस्किँदा कहिले पनि बन्द कोठामा हिटर अन नगर्न हुन,
• ढोकारझ्यालका चरहरुमा बोरा, कपडा राखी हिटर लगायतका बिद्युतीय उपकरणहरु नबाल्नु हुन,
• चुलो, मकल, फलामको चुलो, कराईहरुमा दाउरारकोइला बाली रातभर कोठाभित्र नराख्नु हुन,
•  झ्यालरढोका बन्द गरी ग्यास गिजरको प्रयोग नगर्नु हुन,
• बिद्युतीय उपकरणहरुका स्वीच, मल्टिप्लगहरूलाई काम सकिएपछि बन्द गर्नु हुन, ग्यासको सिलिण्डरलाई कोठाभन्दा बाहिर राखी काम काम सकिएपछि बन्द गर्नु हुन,
• चुलो, मकल, फलामको चुलो, हिटरनजिक छिटो जल्नेखालका कुनै पनि सामग्रीनराख्नुहोस् । कागज, ब्ल्यांकेट, कपडा, दाउरालगायत सामग्री हिटरभन्दा टाढा राख्नु हुन ,
•  आफू जोगिई अरुलाई जोगाउन हुन ।