काठमाण्डौं
नेशनल हाइड्रोपावर कम्पनी लिमिटेडले चालू आर्थिक वर्षको दोस्रो त्रैमाससम्म ८५ लाख ४९ हजार खुदनाफा आर्जन गरेको छ । आइतवार सार्वजनिक गरेको तथ्यांक अनुसार उक्त अवधिसम्मको कम्पनीको खुद नाफा यो वर्ष ३९.१८ प्रतिशत कम भएको हो । गत वर्ष यस अवधिसम्म कम्पनीले १ करोड ४० लाख रुपैयाँभन्दा बढी नाफा गरेको थियो ।

यो वर्ष कम्पनीको आम्दानी करिब २ प्रतिशत बढेको छ भने वित्तीय खर्च करिब ३२५ प्रतिशत बढी भएको छ । वित्तीय खर्च बढेकाले कम्पनीको सञ्चालन नाफा करिब ५ प्रतिशत घटेको छ । गत वर्ष  ५ करोड ४५ लाख रुपैयाँभन्दा बढी आम्दानी गरेको कम्पनीको यो आम्दानी यस वर्ष  ५ करोड ५५ लाख रुपैयाँभन्दा बढी छ । यसैगरी गत वर्ष  १४ लाख रुपैयाँभन्दा बढी वित्तीय खर्च गरेको कमपनीले यो वर्ष यो शिर्षकमा ६१ लाख रुपैयाँभन्दा बढी खर्चगरेको छ ।

 हाल कम्पनीको चुक्तापूँजी १ अर्ब ३८ करोड रुपैयाँभन्दा बढी छ । गत वर्ष ३२ करोड ४७ लाख रुपैयाँभन्दा बढी ऋणात्मक रहेको जगेडा कोष रकम यो वर्ष सुधारिएर २६ करोड ८ लाख कायम भएको छ । कम्पनीको वार्षिक प्रतिशेयर आम्दानी ४२.३७ रुपैयाँ र प्रतिशेयर नेटवर्थ ११८.८२  रुपैयाँ रहेको छ ।