काठमाण्डौ
राष्ट्रपति विद्यादेवी भण्डारीले ज्ञानचन्द्र आचार्यलाई संयुक्त अधिराज्यका लागि नेपालको आवासीय राजदूत नियुक्त गर्नुभएको छ । 

राष्ट्रपतिले  शुक्रबार उहाँलाई नेपालको संविधानको धारा २८२ बमोजिम मन्त्रिपरिषद्को सिफारिसमा राजदूतमा नियुक्त गर्नुभएको राष्ट्रपतिको कार्यालयले जनाएको छ । 
यस अधि उहाँ संयुक्त राष्ट्रसंघका उपमहासचिव तथा अल्प विकशित, भूपरिबेष्ठित विकाशोन्मुख र साना टापु विकाशोन्मुख मुलुकका लागि उच्च प्रतिनिधि रहनु भएको थियो। आचार्य सन् २०१२ मा राष्ट्रसंघका तत्कालिन महासचिव बान कि मुनबाट उपमहासचिवमा नियुक्त हुनु भएको थियो । उहाँ  संयुक्त राष्ट्रसंघका लागि नेपाल मिसन न्युयोर्कमा राजदूत भैसक्नु भएको छ।