बागमती प्रदेशका मुख्यमन्त्री शालिकराम जम्कट्टेलले प्रदेश राजधानी हेटौँडाबाट काठमाडौँ प्रवेश गर्ने छोटो नाका हेटौँडा–भीमफेदी–फाखेल–काठमाडौँ सडक मर्मत दुई महिनाभित्र सम्पन्न गर्न निर्देशन दिनुभएको छ । 

मुख्यमन्त्री जम्कट्टेलले यातायात बन्द गरेरै भए पनि भैँसे–भीमफेदी र हुमाने–फर्पिङ सडकखण्डको काम सम्पन्न गर्नुपर्नेमा जोड दिनुभयो । सो कार्यका लागि वैकल्पिक सडकको प्रयोग गर्नुपर्दा यातायात व्यवसायीलाई सरकारले निःशुल्क रुट परमिटको व्यवस्था गर्नुको साथै परमिटको म्याद नाघेमा जरिवाना नलिने उल्लेख गर्दै उहाँले व्यवसायीलाई भाडादर यथावतै राख्न आग्रह गर्नुभयो ।

मुख्यमन्त्री जम्कट्टेलले यातायात बन्द गरेरै भए पनि भैँसे–भीमफेदी र हुमाने–फर्पिङ सडकखण्डको काम सम्पन्न गर्नुपर्नेमा जोड दिनुभयो । सो कार्यका लागि वैकल्पिक सडकको प्रयोग गर्नुपर्दा यातायात व्यवसायीलाई सरकारले निःशुल्क रुट परमिटको व्यवस्था गर्नुको साथै परमिटको म्याद नाघेमा जरिवाना नलिने उल्लेख गर्दै उहाँले व्यवसायीलाई भाडादर यथावतै राख्न आग्रह गर्नुभयो । 

“वैकल्पिक सडकका रुपमा कान्ति लोकपथ र थानकोट–चित्लाङ–मार्खु–कुलेखानी–भीमफेदी सडकखण्डमा यातायात सञ्चालन गर्नुपर्छ”, मुख्यमन्त्री जम्कट्टेलले भन्नुभयो । भीमफेदी–भैँसे सडकखण्ड ९११ किलोमिटर०, हुमाने फर्पिङ सडकखण्ड ९सात दशमलव पाँच किमी०, दक्षिणकाली–छैमले सडकखण्ड ९आठ किमी० र छैमले– सिस्नेरी सडकखण्ड ९११ किमी० को निर्माण कार्य तीव्र्ररुपमा सम्पन्न गर्न उहाँले सम्बन्धित निकायलाई निर्देशन दिनुभयो ।

बैठकमा प्रदेश भौतिक पूर्वाधार विकासमन्त्री युवराज दुलालले निर्माण कम्पनीलाई आवश्यक सहयोग गर्ने तर काममा ढिलासुस्ती गरेको पाइएमा कारबाही गर्ने बताउनुभयो । 

यसैबीच मुख्यमन्त्री जम्कट्टेलले मर्मत तीव्ररुपमा गर्न हेटौँडा–भीमफेदी–फाखेल–काठमाडौँ सडक आगामी फागुन १ गतेबाट बन्द गरिने बताउनुभएको छ । उहाँको अनुसार करिब दुई महिनाभित्र हेटौैँडाबाट काठमाडौँ जाँदा कुलेखानी–चित्लाङ सडक तथा फर्कदा कान्तिलोकपथ सडक प्रयोग गर्ने गरी मर्मतको काम हुने भएको छ ।