६ मंसिर, २०८१ बिहिबार
09:38:53 PM
१ असोज, २०७९
दिनभरमा जबराले जम्मा ६५ पृष्ठमा हस्ताक्षर गरेका छन् ।
काठमाडौं,
आजको मध्यरातबाट प्रतिनिधिसभाको कार्यकाल सकिँदै छ ।
यो प्रतिनिभिसभाले निलम्बित प्रधानन्यायाधीश चोलेन्द्रशमसेर जबराविरुद्ध दर्ता भएको महाभियोग टुंगो नलगाउने निश्चित भएको छ ।
सरकारले प्रतिनिधिसभाको चालु अधिवेशन १ असोजको मध्यरातबाट अन्त्य गर्न राष्ट्रपतिसमक्ष सिफारिस गरिसकेको छ ।
प्रतिनिधिसभाको कार्यकाल सकिएको औपचारिक घोषणा नभए पनि यो संसदको अर्को बैठक बस्ने छैन । शनिबार आज बस्ने बैठक नै अन्तिम हुनेछ । त्यसको एक दिन मात्र बाँकी रहँदा महाअभियोग सिफारिस समितिले भने जबराको एकसरो मात्र बयान सकेको छ ।
शुक्रबार जबरालाई पूरक प्रश्न सोध्न बोलाइएको थियो । तर जबरा र सिफारिस समितिमा रहेका एमाले सांसदहरु त्यसका लागि तयार भएनन् ।
जबराले आफ्नो बयानको १७४ पृष्ठ लामो लिखत अध्ययन गरेर मात्र हस्ताक्षर गर्ने अडान लिए भने एमाले सांसदहरुले जबराले हस्ताक्षर गरेको बयान हातमा नपरेसम्म पूरक प्रश्न सोध्न नमिल्ने बताएको छ ।
जबराले आफ्नो बयानको १७४ पृष्ठ लामो लिखत अध्ययन गरेर मात्र हस्ताक्षर गर्ने अडान लिए भने एमाले सांसदहरुले जबराले हस्ताक्षर गरेको बयान हातमा नपरेसम्म पूरक प्रश्न सोध्न नमिल्ने बताएको छ ।
त्यसपछि सुरु भयो, संसद सचिवालयका कर्मचारीले तयार पारेको बयानको लिखत वाचन गर्ने र जबराले हस्ताक्षर गर्ने क्रम । दिनभरमा जबराले जम्मा ६५ पृष्ठमा हस्ताक्षर गरेका छन् ।
