काठमाडौं । न्याय माग्दै उत्रिएका मिटर ब्याजी पिडितमाथि प्रहरीले लाठीचार्ज तथा पक्राउ गरेको छ । आज (सोमबार) किर्तिपुरबाट प्रदर्शन सुरु गरेर माइतीघर आउने क्रममा प्रहरीले उनीहरुलाई किर्तिपुरबाट नै पक्राउ गरेको हो ।

प्रहरीले सबैलाई पक्राउ गरेको छ । त्यसक्रममा केही घाइते समेत भएका छन् । मिटर ब्याज तथा ठगी विरुद्द किसान मजदुर संघर्ष समितिले शान्तिपूर्ण आन्दोलन गर्दै किर्तिपुर गेट नजिकै पुग्दा प्रहरीले लाठी चार्ज गरेको बताइएको छ।  

लाठी चार्जमा केही घाइते भएको समितिले जनाएको छ। संघर्ष समितिले घाइतेहरुको तत्काल उपचार गर्न, आफ्ना मागहरु तुरुन्त कार्यन्वयन गर्न र पक्राउ परेकाहरुलाई तत्काल रिहा गर्न माग गरेका छ। तराईबाट आएका उनीहरु ४१ दिनदेखि कीर्तिपुरबाट माइतीघर मण्डलमा भेला भएर धर्ना दिइरहेका छन् ।