१८ माघ, २०८१ शुक्रबार
03:39:29 PM
२२ भदौ, २०७९
काठमाण्डौं । वाणिज्य बैंकले स्थानीय सञ्चित कोषको रकम निक्षेपमा गणना गर्न पाउने सीमा अर्थमन्त्रालयले लम्ब्याएको छ । अर्थमन्त्रालयले सो सीमा लम्भाउदै ६ महिना थप गरी पुससम्म पु¥याइएको हो।
मन्त्रालयका अनुसार वाणिज्य बैंकले चालु वर्षको पुस महिनासम्म स्थानीय सञ्चित कोषको ८० प्रतिशत रकम निक्षेपमा गणना गर्न पाउने भएको छ । अर्थ मन्त्रालयले यो सुविधालाई ६ महिनाका लागि थप गरेको हो ।
गत आर्थिक वर्ष २०७८÷७९ मा तरलता प्रवाह सहज गर्न भन्दै निक्षेपमा गणना गर्न पाउने सीमा ८० प्रतिशत बनाइएको थियो ।
मन्त्रालयले चालु वर्षको ४५ दिनको कार्यप्रगति समेत सार्वजनिक गरेको छ । कार्यप्रगतिमा बजेट कार्यान्वयनका लागि अर्थले सबै मन्त्रालयलाई बजेट कार्ययोजना मार्गदर्शन पठाइसकेको छ ।
यस्तै संघ र प्रदेशमा हुने प्रदेश तथा स्थानीय तहको निर्वाचनका लागि बजेट विनियोजन गरिसकेको छ । यो अवधिमा मन्त्रालयले विद्युत प्राधिकरणको अधिकृत पुँजी २ खर्ब पु¥याउन सहमति दिएको छ ।
यसैगरी १० करोड रुपैयाँभन्दा बढी कारोबार गर्ने सबै करदातालाई विद्युतीय प्रणालीबाट बिजक जारी गर्ने व्यावस्था मिलाएको छ ।
