३० बैशाख, २०८१ आइतबार
04:04:53 AM
२१ भदौ, २०७९
काठमाण्डौं । सञ्चार तथा सूचना प्रविधिमन्त्री ज्ञानेन्द्रबहादुर कार्कीले अबको १० वर्ष मुलुकलाई दक्षिण एशियाकै धनी राष्ट्र बनाउने गरी आफूहरुले काम गर्ने बताउनुभएको छ ।
मंगलबार मन्त्रालयमा नेपाल प्रेस युनियन केन्द्रीय समितिका पदाधिकारी एवं सदस्यहरूसँगको भेटमा सञ्चारमन्त्री कार्कीले नेपाललाई सम्पन्न, समृद्ध र सभ्य बनाउन तथा दक्षिण एसियाकै धनी राष्ट्र बनाउन अबको १० वर्षमा काम गर्ने बताउनुभएको हो ।
मुलुकलाई संविधान र समृद्धिको बाटोमा हिँडाउन गठबन्धन बनेको पनि उहाँले बताउनुभयो। उहाँले आगामी मंसिर ४ गते हुने निर्वाचन स्वतन्त्र निष्पक्ष र भयरहित वातावरणमा सम्पन्न गर्न सरकार प्रतिबद्ध रहेको पनि बताउनुभयो ।
सरकारका प्रवक्ता समेत रहेका मन्त्री कार्कीले सिट बाँडफाँट न्यायोचित र स्वभाविक ढंगले हुने जानकारी दिनुभयो ।
