काठमाडौं । आइतबार सार्वजनिक बिदा हुने भएको छ । सुदुरपश्चिम प्रदेश सरकारले भदौ १२ गते आइतबार सार्वजनिक विदा दिने निर्णय गरेको हो । प्रदेश सरकार मन्त्रीपरिषद्को भदौ ९ गते बसेको बैठकले कैलाली र कंचनपुर जिल्लामा भदौ १२ गते सार्वजनिक विदा दिने निर्णय गरेको हो ।

कैलाली र कंचनपुरका थारु समुदायले मनाउने अतबारी पर्बका उपलक्ष्यमा भदौ १२ गते आइतबार सार्वजनिक विदा दिइएको हो । यसअघि प्रदेश सरकारले अतबारी पर्बको बिदा भदौ १९ गते दिने भनेर राजपत्रमा समेत प्रकाशित गरेको थियो ।