काठमाडौं । कलाकार दिपकराज गिरीले काठमाडौं महानगरका मेयर बालेन्द्र साह (बालेन) र धरानका मेयर हर्कराज राई साम्पाङलाई सचेत गराउनुभएको छ । कलाकार गिरीले सामाजिक सञ्जाल फेसबुक मार्फत मेयर बालेन र हर्कलाई सचेत गराउँदै लठ्ठी जुधाएरै भाँच्यौ भने के टेक्छौ के बजाउँछौ ? भन्दै प्रश्न गर्नुभएको छ ।

गिरीले फेसबुकमा लेख्नुभएको छ , ‘ लठ्ठी टेक्ने हो, आपत पर्दा बजाउने पनि हो, लठ्ठी जुधाएरै भाँच्यौ भने के टेक्छौ के बजाउँछौ ?’

केही दिनदेखि सामाजिक सञ्जालमा काठमाडौं महानगरका मेयर साह र धरानका मेयर हर्कबीच चलेको घोचपेच र व्यंग्यले उहाँहरुको समर्थक निराश बनेका छन् ।

काठमाडौं आएर धरान फर्कीनुभएका मेयर साम्पाङ काठमाडौं उपत्यकामा थुप्रिएको फोहोर र यसको व्यवस्थापनका विषयमा सामाजिक सञ्जालमार्फ लेखेपछि त्यसको प्रतिउत्तरमा बालेनले पनि लेख्नुभएको थियो । यसै बिच सामाजिक सञ्जालमा दुई मेयरको जुवारीनै परेको छ ।